Некалькі маладзёжных актывістаў былі затрыманыя апошнімі днямі за распаўсюд друкаванай прадукцыі.

Арцёма Плотніцкага затрымалі 18 красавіка ў пераходзе станцыі метро "Фрунзенская" падчас расклейкі ўлётак. Хлопца даставілі ў апорны пункт міліцыі, дзе склалі пратакол за "антысанітарыю"

На наступны дзень Наста Мілашэўская, Карына Забароўская і Наста Калашнікава расклеівалі налепкі "Еўрапейская Беларусь" і плакаты "Jeans" уздоўж вуліцы Багдановіча. А 20 гадзіне ля Опернага тэатру іх затрымалі міліцыянты. Адзін з іх абазваў актывістку "черномазой", а потым, калі дзяўчына ў адказ назвала яго расістам, ударыў яе аб машыну.

У РУУС Цэнтральнага раёну актывістак трымалі да 23 гдзінаў. Вядомы сваімі садысцкімі паводзінамі намеснік начальніка РУУС Грышчанка некалькі разоў ударыў адну з затрыманых па нагах.