Грамадзянская кампанія "Еўрапейская Беларусь" пашыраецца на новыя рэгіёны Беларусі. На працягу апошняга тыдня налепкі з выявай сцяга Еўрапейскага Саюзу і сінія стужкі з'явіліся ў многіх населеных пунктах Віцебскай, Гродзенскай і Мінскай абласцей. Гэта Глыбокае, Паставы, Докшыцы, Бягомль (Віцебская вобласць), Смаргонь, Іў'е, Астравец, Ашмяны (Гродзенская вобласць), Маладзечна, Лагойск, Мядзель, Заслаў'е (Мінская вобласць).

Таксама актвісты кампаніі расклеілі налепкі ў месцах масавага адпачынку - у пасёлках Нарач і Свір, на чыгуначных станцыях каля Мінскага мора.

У многіх населеных пунктах таксама з'явіліся каляровыя плакаты "Jeans" з нашымі кантактнымі тэлефонамі.