Як паведамляе Intrefax, 17 чэрвеня быў падпісаны ўказ аб павялічэнні стыпендый студэнтам выйшэйшых і сярэдніх навучальных устаноў. Таксама трэба дадаць, што стыпендыі павышаныя з 1 красавіка, а ўказ быў падпісаны толькі ўчора. Гэта стала яшчэ адным сведкам таго, што ўлада хоча такім чынам задобрыць студэнтаў перад надыходзячымі парламенцкімі выбарамі. Нагадаем што яны пройдуць увосені гэтага году.

Уладай было ўжо зроблена некалькі крокаў да парламецкіх выбараў. Адным з іх з'яўлялася дыскрымінацыя апазіцыі праз тэлебачанне дзе распавядалася аб лагеры на Украіне, дзе трэніруюцца апазіцыянеры для захопу ўлады. Другім крокам стновіцца неверагодна хуткі працэс прыняцця новага закона аб СМІ, які папросту задушыць застаўшуюся свабоду слова ў краіне.

Адзін з удзельнікаў кампаніі - студэнт - каментуе: "Улада баіцца надыходзячых выбараў. Улада баіцца студэнтаў. Прадчуваючы свае праблемы яна спрабуе задобрыць нас падачкамі ад дзяржавы. Але гэта ня зменіць нашай ідэі змагацца за свабоду, праўду, справядлівасць. Мы ўсёроўна выйдзем на вуліцы, і пакажам, што не згодны мірыцца з тым што адбываецца."