Тры тысячы аранжавых стужак хочуць раздаць у Познані праціўнікі кітайскага рэжыму. Гэта знак салідарнасці з Тыбетам - заяўляюць арганізатары акцыі. Група актывістаў размаўляе з жыхарамі Познані і раздае ім аранжавыя стужкі.

Тры тысячы аранжавых стужак хочуць раздаць у Познані праціўнікі кітайскага рэжыму. Гэта знак салідарнасці з Тыбэтам - заяўляюць арганізатары акцыі. Група актывістаў размаўляе з жыхарамі Познані і раздае ім аранжавыя стужкі з просьбаю прычапіць іх на вопратку ці на шыбу аўтамабіля. На помніку Адаму Міцкевічу ў цэнтры гораду павешаны агромны сцяг Тыбэту.

Акцыя зьвязана з пачаткам алімпійскіх гульняў у Пекіне 8 жніўня. Праваабаронцы не пагаджаюцца з ціскам на тыбетцаў з боку кітайскіх уладаў.

Напомнім, что ў 1951 годзе ў Тыбет уварваліся кітайскія войскі і ён быў акупаваны. І тая палітыка якая праводзіцца ўладамі Кітая на гэтай тэрыторыі можа расцэньвацца толькі, як генацыд тыбетскага народа. А апазіцыя змагаецца дамагчыся незалежнасці сваёй краіны ад камуністычнай кітайскай улады.

Вялікі Кітай праглынуў суседа – Тыбет, зрабіўшы яго адной са сваіх правінцый. Нашай незалежнай краіне, трэба пільна паглядаць на нашую суседку з усходу, ці не аблізваецца яна за нашаю спінаю…
___________________________________________

У інтэрнеце пачалася акцыя «Запалі свечку за Тыбет».Яе ініцыятары заклікаюць выказаць салідарнасць з Тыбетам, запаліўшы свечку 7 жніўня а 21:00 (па мясцовым часе).

«Мы просім усіх ахвочых далучыцца да нас, – пішуць ініцыятары праекту www.candle4tibet.org. – У дзень адкрыцця Алімпіяды запаліце свечку ў сваім доме, на працы ці ў іншым грамадзкім месцы. Пастаўце свечку на падваконнік, на стол... туды, дзе іншыя змогуць пабачыць яе ззяньне. Наша акцыя – гэта не пратэст супраць Алімпіяды, гэта падтрымка свабоды!»