Змякчэнне санкцый супраць Беларусі могуць абмеркаваць на нефармальнай сустрэчы міністры замежных спраў краін ЕС 5-6 верасня ў французскім горадзе Авіньён. Пра гэта са спасылкай на свае крыніцы паведамілі бельгійскія СМІ.


Нібыта, пытанне будзе ўзнятае з-за вызвалення ў жніўні трох палітвязняў і набліжэння парламенцкіх выбараў. Паводле неафіцыйнай інфармацыі, еўрапейскія дыпламаты адзначаюць жаданне Беларусі наладзіць адносіны з Захадам для ўмацавання сваёй незалежнасці пасля канфлікту паміж Расіяй і Грузіяй, але нават самыя блізкія суседзі "пакуль глядзяць на Мінск з засцярогай".

"Там яшчэ шмат трэба зрабіць для развіцця дэмакратыі. Хуткай адмены санкцый не чакаецца", - заявіў літоўскі дыпламат.

БелаПАН