Суд Маскоўскага раёна Берасьця прысудзіў актывістаў кампаніі Яўгена Скрабца і Міхаіла Ільіна да 5 сутак арышту.

Юнакоў затрымалі 15 верасня раніцай на праспэкце Рэспублікі ў той момант, калі яны наносілі на агароджу надпіс “БАЙКОТ!”, аднак пратаколы пачалі складаць толькі а 9 гадзіне. Міліцыянты праводзілі экспэртызу, каб высвятліць, ці не падпадае нанесеная шкода пад крымінальную справу. На актывістаў быў складзены пратакол нібыта за “дробнае хуліганства”.

Варта зазначыць, што адміністрацыйны суд над маладзёнамі пачаўся толькі а 16 гадзіне. Яўгену і Міхаілу прыйшлося правесьці ў міліцыі каля 12 гадзін.