Жыхарам Мінска нагадалі пра акцыю, якая пройдзе 8 лютага на Кастрычніцкай плошчы.
Актывісты "Еўрапейскай Беларусі" вывесілі транспарант з надпісам "Свабоду палітвязням!" і датай і часам правядзення акцыі. Ён быў замацаваны ўвечары 2 лютага на мосце над вуліцай Няміга.
Нагадаем, 16 студзеня маладзёжныя актывісты заклікалі прыйсці на Кастрычніцкую плошчу 8 лютага, у гадавіну арышту Мікалая Аўтуховіча, Юрыя Леонава і Уладзіміра Асіпенкі з іх партрэтамі, каб выказаць сваю падтрымку і салідарнасць палітвязням.

