Акцыя салідарнасці з ахвярамі палітычных рэпрэсій ў Беларусі прайшла 16 студзеня ў Варшаве.

Удзельнікі акцыі павязалі бел-чырвона-белыя стужкі на падыходах да беларускай амбасады. Ля ўваходу былі запаленыя свечкі ў памяць аб зніклых палітыках і грамадскіх дзеячах, сучасных беларускіх палітвязняў.

"Зараз вельмі важны для нашай краіны час, бо ў гэтым годзе пачынаецца прэзідэнцкая кампанія. Гэта значыць, што ўзмацняцца рэпрэсіі супраць апазіцыі. Таму вельмі важна, каб не спыняліся акцыі салідарнасці і падтрымкі як у Беларусі, так і за яе межамі. Сёння мы нагадваем беларускім уладам пра палітвязняў і зніклых, пра тое, што нельга пераследваць людзей за выкарыстанне нацыянальнай сімволікі", - cказала актывістка "Еўрапейскай Беларусі" Люба Кучынская.

У акцыі ўдзелнічалі прадстаўнікі "Еўрапейскай Беларусі" і БХД.

Напярэдадні Дня Салідарнасці ў Варшаве прайшла сустрэча, на якой беларусы, якія пражываюць у польскай сталіцы распрацавалі стратэгію сваіх дзянняў дзеля падтрымкі беларускіх палітвязняў і пашырэння інфармацыі пра парушэнні правоў чалавека ў Беларусі.